ГРУПА А БЕТА ХЕМОЛИТИЧЕН СТРЕПТОКОК ( СТРЕПТОКОКУС ПИОГЕНЕС)

Во изминатиот период во Штип и Источна Македонија се забележува често изолирање од брис од грло на бетахемолитични стрептококи група А,кај децата со карактер на епидемија во предучилишна и училишна возраст поради кое сметаме дека е важно да ги информираме родителите за начинот на пренесување ,дијагностика и лекување на ова заболување .

Стр.Пиогенес се пренесува по воздушно-капков пат и најчесто боледуваат деца од 5 год.до 15 год.возраст. Од контактот со причинтелот до појавата на клиничка слика се необходни околу 5 дена.

ДИЈАГНОСТИКА – При сомнение за стрептококна инфекција нај-брз резултат може да се добие со брз стрептококов тест кој што дава резултат во рамките на неколку минути и се прави во нашата ординација.

КЛИНИЧКА СЛИКА – Тегобите кај едни може да се лесно изразени- болка и дискомфорт во грлото, а кај други се развива класична клиничка слика.

-Ненадејно фебрилитет над 38 степени со треска или без треска.

-болки во грлото ,оток на крајниците и формирање на жолтеникави гнојни налепи на крајниците.

-Понекогаш макуло- папулозен осип по телото (скарлатина – имаме отделен информативен пост)

-Главоболка

-Загуба на апетит

-Зголемени лимфни јазли на вратот

-Отежнато голтање

-Симптоматика од гастроинтестиналниот тракт – болки во стомакот, гадење , повраќање.

КОМПЛИКАЦИИ -Остар отитис медија, скарлатина ,перитонзиларен абсцес , постстрептококов гломерулонефрит , реуматска болест и други . Поради компликациите е важно адекватно и точно лекување на стр.пиогенес

ЛЕКУВАЊЕ –

СПЕЦИФИЧНО – избор за антибитски третман на бета-хемолитичниот стрептокок се антибиотиците од пенцилинската група пример амоксицилин- клав.киселнина и тоа 10 дневен антибиотски третман во соодветната доза ( не минимална ) .Во случај на алергија кон пенцилин лекувањето може да биде со цефалоспорини пример -цефуроксим аксетил. Неадекватното лекување и кратките антибиотски курсови се причина за честите рецидиви и компликации!